ന്യൂഡൽഹി :ചലച്ചിത്രനടി സുഹാനി ഭട്‌നഗർ (19) അന്തരിച്ചു. ആമിർ ഖാൻ ചിത്രം ദംഗലിലെ പ്രകടനത്തിലൂടെ ശ്രദ്ധയയായ നടിയാണ്. ചിത്രത്തിൽ ബബിത ഫോഗട്ടിന്റെ കുട്ടിക്കാലമാണ് അവതരിപ്പിച്ചത്. ആമിർഖാൻ പ്രൊഡക്ഷൻസ് സാമൂഹ്യമാധ്യമങ്ങളിലൂടെ മരണവിവരം സ്ഥിരീകരിച്ചിട്ടുണ്ട്. ഹരിയാനയിലെ ഫരീദാബാദിൽ സെക്ടർ 17 സ്വദേശിയാണ് സുഹാനി. ദംഗലിനുപുറമെ ടെലിവിഷൻ പരമ്പരകളിലും അഭിനയിച്ചിട്ടുണ്ട്. മരണകാരണം വ്യക്തമല്ല. അസുഖബാധിതയായി ചികിത്സയിലായിരുന്നുവെന്ന് ദേശീയ മാധ്യമങ്ങൾ റിപ്പോർ‌ട്ട് ചെയ്തു. നേരത്തെ വാഹനാപകടത്തിൽ കാലൊടിഞ്ഞ് ചികിത്സയിലായിരുന്നു നടി.
ചലച്ചിത്രനടി സുഹാനി ഭട്‌നഗർ (19) അന്തരിച്ചു.
