കൊച്ചി : നവാഗതനായ ദർശൻ സംവിധാനം ചെയ്യുന്ന കെടാവിളക്ക് ചിത്രീകരണം തുടങ്ങി. യദു ഫിലിം ഫാക്‌ടറിയുടെ ബാനറിൽ സുധീർ സി ബി കഥ എഴുതി നിർമ്മിച്ച ചിത്രത്തിൽ ബിബിൻ പോലുക്കര, ഉണ്ണികൃഷ്‌ണൻ തെക്കേപ്പാട് എന്നിവരാണ് തിരക്കഥ നിർവഹിച്ചിരിക്കുന്നത്. ക്യാമറ തമ്പി സ്വാതികുമാർ. സംഭാഷണം രചിച്ചിരിക്കുന്നത് ജീവ, ബിപിൻ പോലുക്കര എന്നിവരാണ്.
പുതുമുഖ നടന്മാരായ പാർത്ഥിപ് കൃഷ്‌ണൻ സനീഷ് മേലെ പാട്ട് എന്നിവർ മുഖ്യ കഥാപാത്രങ്ങളാകുന്നു. നായികമാരാകുന്നത് പുതുമുഖങ്ങളായ ഭദ്രയും ആതിരയുമാണ്. ദേവൻ കൈലാഷ്, ശിവജി ഗുരുവായൂർ, ലിഷോയ്, സുനിൽ സുഗത, സുധീർ (ഡ്രാക്കുള) നന്ദകിഷോർ, മനുമോഹിത്, മഞ്ജു സതീഷ്, ആശ, നിരാമയ്, ഗംഗാലക്ഷ്‌മി എന്നിവരെ കൂടാതെ സംവിധായകൻ വിജി തമ്പി, സംഗീത സംവിധായകൻ മോഹൻ സിത്താര എന്നിവരും അഭിനയിക്കുന്നു.