Kochi: നടനും നിർമ്മാതാവുമായ വിജയ്ബാബുവിന്‍റെ മുന്‍കൂര്‍ ജാമ്യാപേക്ഷ പരിഗണിക്കുന്നത് ഹൈക്കോടതി വെള്ളിയാഴ്ചത്തേക്ക് മാറ്റി.
അന്വേഷണസംഘത്തിന്‍റെ അഭ്യര്‍ത്ഥന മാനിച്ചാണ് കോടതി ജാമ്യാപേക്ഷ പരിഗണിക്കുന്നത് മാറ്റിയത്.
പീഡനകേസ് അന്വേഷണത്തിന്‍റെ ചുമതല വഹിക്കുന്ന എഡിജിപി ക്വാറന്റൈനിൽ തുടരുന്നതിനാലാണ് അന്വേഷണസംഘം കേസ് പരിഗണിക്കുന്നത് മാറ്റണമെന്ന് അഭ്യര്‍ത്ഥിച്ചത്. അപേക്ഷ അംഗീകരിച്ച കോടതി ജാമ്യാപേക്ഷ പരിഗണിക്കുന്നത് വെള്ളിയാഴ്ചയിലേക്ക് മാറ്റുകയായിരുന്നു. ഇതോടെ, വെള്ളിയാഴ്ച വരെ വിജയ് ബാബുവിന്‍റെ അറസ്റ്റിനുള്ള വിലക്ക് തുടരും.
