മോഹൻലാലിനെ കേന്ദ്ര കഥാപാത്രമാക്കി ജീത്തു ജോസഫ് സംവിധാനം ചെയ്യുന്ന ഏറ്റവും പുതിയ ചിത്രം നേര് ചിത്രീകരണം തുടങ്ങി. ചിങ്ങം 1 ആയ ഇന്ന്, ഓഗസ്റ്റ് 17നാണ് ചിത്രീകരണം തുടങ്ങിയത്. പൂജ ചടങ്ങുകളോടെയാണ് ഷൂട്ടിംഗ് ആരംഭിച്ചത്. മോഹൻലാൽ നായകനായി എത്തുന്ന ചിത്രത്തിൽ നായികയാകുന്നത് പ്രിയാമണിയാണ്. ഗ്രാൻഡ്മാസ്റ്റർ എന്ന ചിത്രത്തിന് ശേഷം മോഹൻലാലും പ്രിയാമണിയും ഒന്നിക്കുന്ന ചിത്രമാണിത്. ഗണേശ് കുമാർ, സിദ്ദിഖ്, ജഗദീഷ്, അനശ്വര രാജൻ തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നതെന്നാണ് റിപ്പോർട്ട്. ജീത്തു ജോസഫും ഭാര്യയും, ശാന്തി മായാദേവി, ആന്റണി പെരുമ്പാവൂരും ഭാര്യയും, ജഗദീഷ് തുടങ്ങിയവർ ചടങ്ങിൽ പങ്കെടുത്തു. പൂജയുടെ ചിത്രങ്ങൾ മോഹൻലാൽ ഉൾപ്പെടെയുള്ളവർ സോഷ്യൽ മീഡിയയിൽ പങ്കുവെച്ചിട്ടുണ്ട്.
