ചെന്നൈ: സംവിധായകൻ ലോകേഷ് കനകരാജിനെതിരെ മദ്രാസ് ഹൈക്കോടതിയിൽ ഹർജി. മധുര ഒറ്റക്കടവ് സ്വദേശി രാജാമുരുകൻ ആണ് ഹർജിക്കാരൻ. ലോകേഷ് സംവിധാനം ചെയ്ത വിജയ് ചിത്രം ‘ലിയോ’ അക്രമ – ലഹരിമരുന്നു രംഗങ്ങൾ കുത്തി നിറച്ച് സമൂഹത്തിനു തെറ്റായ മാതൃക നൽകുന്നതാണെന്നും സംവിധായകന്റെ മാനസിക നില പരിശോധിക്കണമെന്നും ആവശ്യപ്പെട്ടാണ് ഹർജി. ലിയോ സിനിമ കണ്ട് തനിക്ക് മാനസിക സമ്മർദമുണ്ടായെന്നും നഷ്ടപരിഹാരമായി 1000 രൂപ നൽകണമെന്നും ഹർജിയിലുണ്ട്. ലിയോ ടിവിയിൽ കാണിക്കുന്നത് വിലക്കണമെന്നും ഹർജിയിൽ പറയുന്നു. മദ്രാസ് ഹൈക്കോടതി മധുര ബെഞ്ചിലാണ് ഹർജി നൽകിയത്. ഹർജി കോടതി പിന്നീട് പരിഗണിക്കും.
