ചെന്നൈ : പുതിയ ചിത്രത്തിന്റെ പേരുമായി ബന്ധപ്പെട്ട് സംവിധായകൻ വിഘ്നേഷ് ശിവന് ലൈഫ് ഇൻഷുറൻസ് കോർപറേഷൻ( എൽഐസി) നോട്ടീസയച്ചു. ഏഴു ദിവസത്തിനുള്ളിൽ പേര് മാറ്റിയില്ലെങ്കിൽ നിയമ നടപടി സ്വീകരിക്കുമെന്ന് നോട്ടീസിൽ പറയുന്നു. വിഘ്നേഷ് ശിവന്റെ പുതിയ ചിത്രമായ എൽഐസി- ലവ് ഇൻഷുറൻസ് കോർപറേഷന്റെ പേര് മാറ്റണമെന്നാവശ്യപ്പെട്ടാണ് നോട്ടീസ്.
2023 ഡിസംബറിലാണ് ചിത്രം അനൗൺസ് ചെയ്തത്. സെവൻ സ്‌ക്രീൻ സ്റ്റുഡിയോയും റൗഡി പിക്‌ചേഴ്‌സും ചേർന്നാണ് ചിത്രം നിർമിക്കുന്നത്. പ്രദീപ് രംഗനാഥ്, കൃതി ഷെട്ടി, എസ് ജെ സൂര്യ, യോഹി ബാബു എന്നിവരാണ് ചിത്രത്തിലെ പ്രധാന കഥാപാത്രങ്ങൾ. അനിരുദ്ധ് രവിചന്ദർ ആണ് സംഗീതം.
